http://skvisa.xblogg.is/

Check it out

oh, ég er endalaust pirruð út í blogcentral.is... Mér er skapi næst að skipta. Langflestir tenglarnir mínir eru dottnir út og ég man þá ekki alla

Allavega. Í dag finnst mér tilefni að koma með blogg. Þessir páskar hafa verið gríðarlega erfiðir.
Pabbi hefði orðið fimmtugur í gær og er ég búin að vera meðvituð um það í svolítinn tíma. En við komum saman í gær heima hjá mömmu, Gísli Sverrir og fjlsk og Svava og Friðrik og gerðum okkur glaðan dag með kökum og kræsingum.
Um kvöldið borðuðum við saman Mamma og börnin hennar og tengdabörn. Svava og Friðrik elduðu ofan í okkur Hornfirskan humar svo að pabbi var okkur öllum mjög ofarlega í huga.
Ég skrifaði afmælisminningargrein í moggann sem að birtist í dag.
En í morgun koma mamma og Óðinn til okkar með mjög slæmar fréttir. Afi Árni á Hornafirði hafði látist um morguninn. Að hugsa sér að síðasti dagurinn sem að hann lifði hefði elsti sonur hans orðið fimmtugur!
Hann hefði orðið 81 árs í sumar. Hann var búinn að vera á fleygiferð milli landshluta yfir páskana og kom heim í gærdag. Þegar við lítum á þetta eftir á þá virðist okkur hann hafi viljað hitta alla... Vildi kveðja. Kannski vissi hann eitthvað meira en við hin
Ég hringdi austur í gærkveldi og spjallaði við ömmu í heillangan tíma og hún sagði mér að þau væru bara dálítið þreytt eftir allt ferðalagið en það kom ekkert upp að afi væri neitt sérstaklega slappur þannig að mér datt ekkert svona til hugar þegar mamma hringdi dyrabjöllunni í morgun.
Ég heyrði nú ekki í honum sjálfum í gær en mér finnst gott að vita að hann vissi að ég hringdi!
Svo heyrði ég aftur í ömmu í dag og hún eins og kletturinn sem að hún er var bara að hugga mig í gegnum símann þegar að allt sem að ég vildi gera var bara að halda utan um hana. Rosalega erfitt að geta ekki verið til staðar. En það er fullt af fólki í kringum hana núna og ég veit að ég yrði bara fyrir en við drífum okkur austur þegar að jarðaförin verður.
En afi var frábær karl sem að viðraði skoðanir sínar og fór algerlega eftir sínu nefi allt sitt líf. Hann var mikill húmoristi, elskaði að horfa á íþróttir, þá helst fótbolta og gat hann gargað út í eitt yfir leikjunum Hans verður mikið saknað!
Hvíl í friði elsku afi!
ég veit að pabbi tekur á móti þér og sýnir þér um.
††††
Arna

http://www.youtube.com/v/nAUmUiJMwJY

Já, ég er komin með vinnu, og byrjuð í henni

Fór í þrjú atvinnuviðtöl sama daginn og mér var boðið starfið á tveim stöðum ég ákvað að taka starf í apóteki. Ég sótti um þetta starf fyrir löngu og fór í atvinnuviðtal í ráðningarþjónustu. Svo heyrði ég ekkert frekar frá þeim. En svo hringdi í mig kona frá ráðningarþjónustunni og sagði að apótekarinn hefði eitthvað slugsað að boða í viðtöl og spurði hvort ég væri ennþá laus. Ég var það og hún lét apótekarann vita. Hann hringdi í mig ca 2 tímum síðar og bauð mér í viðtal, ég skellti mér. Hann ætlaði nú bara að bjóða mér 3 tíma á dag, en ég sagðist þurfa að hugsa mig um, ég hefði nú verið að leita mér að 50% vinnu, sagðist myndu stökkva á það ef að hann gæti boðið mér það. Hann sagðist þurfa að ræða við meðeiganda sinn en sagðist nokkuð viss um að hann gæti boðið mér einhverja lausn. Svo hringdi hann í ig um kvöldið og bauð mér 5 tíma vinnu.. Frá 9-14.

Þannig að ég er að vinna við að skamta einstaklingum lyfin sín fyrir hádegi og leysi svo stelpurnar frammi af í mat í tvo tíma.

Mér finnst þetta mjög spennandi starf Krefst dálitlar skipulagningar en þegar hún er komin þá er þetta bara ósköp notalegt, svona dundur.

Svo er Áróra Líf bara hjá ömmu sinni Guðrúnu á meðan og nýtur þess alveg í botn, fór meira að segja öskudagsrúnt með henni og Eygló í búning og allt saman  Mjög góð tilbreyting fyrir okkur báðar, og þó að ég sé alveg að vinna fimm tímana, þá er það ekki of lengi og dagurinn er langt frá því að vera búinn klukkan 2

 En já, annars bið ég ykkur vel að lifa í bili

Arna stjarna 

góðan daginn

Af mér er allt gott að frétta bara. Er byrjuð á danska kúrnum, byrjuð á fjórðu vikunni, og það gengur bara svona glimrandi vel. Búin að missa 4,4 kg þannig að ég ætla bara að halda svona áfram

Ég er á fullu að leita mér að hlutastarfi núna. Tengdamamma var búin að bjóðast til að taka Áróru á morgnana, þannig að ef að einhver veit um eitthvað á lausu bara endilega láta mig vita

Svo fer að styttast í það að ég geti sótt um á Bifröst, vona að ég komist inn!!

 En annars ætlaði ég bara að láta vita af mér

Annars á hún Svava amma mín stórafmæli í dag, 75 ára gömul konan Mér fannst vert að minnast á það

 Anyhow... Bið að heilsa að sinni

 

Jæja, nú er víst komið nýtt ár, og þá er víst til siðs að gera upp gamla árið...

Janúar: Ég var orðin ansi þung á mér og þreytt. Var að rembast við að mæta í meðgöngujóga, sem að virkaði lítið sem ekkert fyrir mig. Var búin að minnka heilmikið við mig vinnu.

Febrúar: Var mikið farin að hlakka til að fá litla krílið mitt í hendurnar. Allt orðið tilbúið. Mamma átti afmæli þann 10unda og þá fór Sigurþór í námsferð til Danmerkur, hann gerði sér ferð þaðan til Svíþjóðar og keypti vagn handa barninu.

Mars: Var óstjórnlega lengi að líða. Þann 9. mars var síðasti vinnudagurinn minn. 10unda var árshátíð Símans og mættum við hjúin hress og kát í góðan mat.
Pabbi hefði orðið 49 ára þann 22. mars og langaði mig dálíð að fá krílið í hendurnar þann dag, en prinsessan vildi sinn dag alein og fæddist 28. mars. Foreldrunum til mikillar lukku

Apríl: Drifum okkur og skírðum barnið þann 7. apríl og fékk hún hið fallega nafn Áróra Líf. Svava systir átti afmæli þann dag og fékk hún að halda á henni undir skírn. Mæður okkar Sigurþórs voru skírnarvottar. 12. apríl varð Óðinn 15 ára. Anna rs var apríl mánuður einkennandi af kúri og notalegheitum með litla barninu okkar.

Maí: Drifum okkur á Hornafjörð þan 17. maí til að vera við fermingu Rafns Svans og til að sýna Áróru . Hún fékk næga athygli. Gistum í Lóninu í uppáhalds sumarbústanum okkar.

Júní: Fórum í sumarbústað með Stjána, Viggu og Katrínu Mey um sjómannadagshelgina. Það var voða notalegt. Ég átti afmæli þann 26. júní og var það stórafmæli. 25 ára! Hvorki meira né minna! Héldum smá kökuboð fyrir fjölskylduna. Kannski verður bara partý á þessu ári Byrjaði að fara í Bowen tíma hjá mömmu hennar Hjördísar því að bakið á mér var að drepa mig. Átti orðið erfitt með gang og allar hreyfingar bara. Rek það til meðgöngunnar og fæðingarinnar. Þyngdist mikið og þetta var bara mikið líkamlegt álag.

Júlí: Hélt áfram að vera í bowen sem að virkaði upp að vissu marki, en var því miður ekki nóg.

Fórum í brúðkaup hjá Ella og Dögg 070707.

Afi Árni varð áttræður þann 10. Við áttum 1 árs brúðkaupsafmæli þann 15. Fórum í brúðkaup hjá Agnesi og Ágústi þann 21. júlí. Við Áróra fórum í sumarbústað með ömmu Dísu og afa Silla og vorum með þeim í hálfa viku. Sigurþór kom svo og var í eina nótt með okkur.

Ágúst. Fórum til Hafnar í sumarfrí. Vorum í 10 daga í þvílíkri sælu í bústaðnum okkar elskaða. Hittum fjölskylduna og nutum lífsins. Fór loksins til læknis eftir að við komum heim sem að var þvílíkt dónalegur, sagði bara að ég þyrfti að hreyfa mig! (Ég gat það ekki vegna verkja, og sem betur fer var ég nógu ákveðin að segja það hann skrifaði upp á tíma hjá sjúkraþjálfara, hálfgert með semingi. Helvítis fíflið!! En ég fór svo til sjúkraþjálfara sem að var þvílíkt yndislegur og útskýrði fyrir mér hvað væri að. Hjálpaði mér að finna æfingar sem að hentuðu mér og til að byggja upp vöðva í mjóbakinu. Ég gat loks farið að hreyfa mig án þess að þurfa að æpa af sársauka! Ég hélt í alvöru talað að það yrði ekkert hægt að gera fyrir mig. Að ég yrði öryrki eða eitthvaðL

Áróra Líf var greind með astma þann 30. ágúst. Á ársafmæli dánardægurs föður mínsL

September: Byrjuðum með Áróru í ungbarnasundi. Það er ekkert smá gaman. Erum enn með hana þar. 1sta tönnin hennar fannst 16. september af ömmu hennar, Þóru. Fórum með Áróru til ofnæmislæknis og var hún greind með mjólkuróþol.

Október: Fórum með Áróru í myndatöku hjá Brosbörnum. Dóttir mín er sko fædd ljósmyndafyrirsæta

Nóvember: fórum í Halloween partý hjá Daða og Hjördísi. Áróra var í sinni fyrstu næturpössun, var hjá mömmu. Það var rosa gaman Áróra byrjar að skríða. Fórum í sumarbústað með Grjótaselsgenginu.

Desember: fór með Svövu og vinnunni hennar og við nældum okkur í dýrindis jólatré. Fórum í árlegt Lions jólaboð með fjölskyldunni hans Sigurþórs, Áróra skemmti sér konunglega! Áróra hélt upp á sín fyrstu jól og þau voru yndisleg, vorum í Grjótaselinu. Svo voru tvö jólaboð á jóladag, hjá Þóru Ásu og svo ömmu Dísu.
áramótin voru svo haldin hátíðleg í Hafnarfirðinum, heima hjá mömmu.

Samantekt: Árið 2007 var yndislegt í alla staðiJ Vona að 2008 verði eitthvað í líkindum við það

Elín klukkaði mig og ég ákvað að það væri bara vel við hæfi að hafa það síðasta verk fyrir áramót að svara því kalli... hér eru 7 hlutir sem að ég held að fáir viti um mig... eða ekki allir allavega 

1. Ég er matvönd. Hefur reyndar minnkað rosalega með árunum og í dag segist ég bara vera frekar matvönd

2. Ég er alveg hrikalega lofthrædd. Má ekki einu sinni standa uppi á stól þá er ég að pissa á mig. Er reyndar ekki flughrædd eða hrædd í lyftu, en ég flaug einu sinni í pínkulítilli rellu og þá hélt ég að ég hefði sungið mitt síðasta

3. Ég er mjög lífhrædd yfir höfuð. Þarf þar af leiðandi að vera mjög varkár, ekki gera neitt heimskulegt, hef verið svona síðan ég var pínkulítil. Mjög þreytandi! sé fyrir mér dauða minn í ótrúlegustu aðstæðum!

4. Mig hefur alltaf dreymt um að vera söngkona. Held að sá draumur hverfi seint..

5. Ég hef mjög mikinn áhuga á öllu dulrænu. Miðlar, tarrotspil og draumaráðningar, allt mjööög spennandi

6. Ég er skíthrædd við stærðfræði! Held að hræðslan hamli mér í alvöru við að læra!

7. Ég átti heima í Noregi í eitt ár. Þegar ég var 5 ára. Kom heim talandi reiprennandi norsku. Tala hana ekki í dag

 Ég vil klukka Svövu, Ísey og Hjördísi!

Annars óska ég öllum gleðilegs árs um leið og ég þakka fyrir það gamla 

Óskum öllum gleðilegra jóla og farsæls komandi árs.

Kærar kveðjur Arna Þórdís og fjölskylda

Jæja, hvað segiði... kominn tími á færslu??

9 dagar til jóla!!! Hows about that! Get ekki beðið. Er búin að vera í jólafíling í meira en mánuð núna  Hef ekki hlakkað svona til síðan ég var sjálf barn

Svava systir bauð mér um daginn að koma með vinnunni hennar í jólatrésleiðangur. í fyrstu stóð nú til að taka Áróru með en við vorum fegnar þegar á hólminn var komið að hún var heima með pabba sínum því að það hefði verið alltof mikið vesen að burðast með hana um hóla og hæðir. En ég græddi eitt stykki jólatré sjálf því að vinkona Svövu, sem að kom með í ferðina, ætlaði sér ekki að nota jólatréið sitt þannig að ég fékk það

Annars er bara allt ágætt að frétta. Áróra og Sigurþór skiptast á að vera veik og enn hef ég sloppið 7-9-13.
Við erum búin að kaupa ALLAR jólagjafir. Ekkert smá mikill léttir þar, búin að senda út jólakortin og erum búin að kaupa jólaföt á línuna. Hvað er þá eftir? Ekki neitt! Nú bara mætum við fín og sæt í öll jólaboðin sem að við erum boðin í. Það fyrsta á mánudaginn 

ég er viss um að það er hellingur í viðbót sem að ég get sagt ykkur frá en ég er svo þreytt að ég get varla hugsað. Litla barnið mitt er að taka þrjóskunætur á okkur þessa dagana! ARG! En það fer vonandi að lagast fljótt! Áður en að við hjónin missum vitið

Við Áróra buðum heim krílahópnum í liðinni viku og var það ekkert smá gaman. Mætti svo sem ekki stór hópur, 5-6 mæður með kríli. En það var miklu meira en nóg af því að krakkarnir höfðu svo gaman að hafa hátt, voru alger krútt þessi kríli! Áróra lét líka vita að hún ÆTTI sko dótið sem að krakkarnir voru með. Ekki alveg sátt að deila hahaha.

Svo kíktum við loksins í gær heim til Sigrúnar, í nýju íbúðina þeirra og hún er ekkert smá flott

en meira... nje dettur ekkert í hug.

biðst afsökunar á andleysi liðinna mánaða... Það er bara svo lítið að frétta þegar allir dagar virðast nokkurn vegin eins  Er sko ekki að kvarta, langar sko ekki neitt að fara aftur að vinna, en svona er líf móður í fæðingarorlofi

bið að heilsa ykkur fólk.

http://www.youtube.com/watch?v=wQ6nUUkIJ8E

Þetta er nú ekki alveg komið hjá henni dúllunni, en þetta er allt á leiðinni

 

Svo er hún byrjuð að herma eftir mér þegar ég segi mammatekið í gær

http://www.youtube.com/watch?v=GLrOQS-iTes

 

og í morgun byrjaði stúlkan að skríða

http://www.youtube.com/watch?v=TFvcWGtFb1Y

 

sem sagt.. Allt að gerast á þessu heimili

Af einhverri ástæðu get ég ekki sett myndbandið beint inn þannig að hér er linkur

 

http://www.youtube.com/watch?v=6Ln3BRyw2SU

já... kominn tími á mynd

 

Við skemmtum okkur hjónin alveg rosalega vel í þessu partýi og vorum langflottust þó ég segi sjálf frá

 

 

 

afokkur er annars bara fínt að frétta. Búinn að vera dálítill slappleiki á heimilinu. Það er hjá Sigurþóri og Áróru, ég er auðvitað hressleikinn uppmálaður en það eru allir að koma til.
Ætla með Áróru til heimilislæknis á morgun til að reyna að fá ráðgjöf með hana. Í fyrsta lagi finnst mér hún sofa alltof lítið miðað við að hún er sjö mánaða gömul! Svo grunar mig að hún gæti verið með bakflæði... svo er það þessi blessaði astmi

 

Anywho... hvað meir... æ nenni ekki. ætla að upploada sætu myndbandi á eftir

see ya!

 

Nú á að bregða undir sig betri fætinum í kvöld og skella sér á tjúttið... Við hjónin erum að fara í grímubúningapartý af tilefni hrekkjarvökunnar.
Ég hlakka mikið til... og kvíði rosalega!

Áróra fer í fyrsta í skiptið í næturgistingu í nótt. Mamma ætlar að hafa hana hjá sér.  Ekki það að fyrst hún er að fara að gista þá treysti ég engum betur en móður minni. Ég meina henni tókst ekki það illa upp með mig En mér finnst ég samt á vissan hátt vera að svíkja barnið mitt. Hvað ef að hún vaknar um nóttina og verður óhuggandi! Þá er ég líka að leika mömmu mína illan leik En auðvitað verður allt í lagi. Áróra hefur aldrei verið til vandræða og þá sérstaklega ekki við annað fólk. Hún elskar að fara til ömmu sinnar og Óðins! 

Ég bara vona að ég nái að skemmta mér nóg ég á það alveg skilið

Annars ætla ég mér að fara sem norn, og eiginmaður minn ætlar að fara sem vofa látins kúreka Þetta verður rosa gaman!

Segið mér að ég sé bara aumingi, að ég sé bara að gera okkur báðum greiða með því að gera þetta! Plís? 

Mig langar til að skrifa eitthvað, en um hvað. Hvað er daman að spekúlera þessa stundina???

Þegar stórt er spurt

* Þyngdin og almennt vöxtur minn liggur á mér eins og mara þessa dagana. Ég hugsa um hverja stund hvað það er sem að ég legg mér til munns og ef að það er eitthvað vitlaust er ég með samviskubit í nokkra daga á eftir... Djöfull er þetta leiðinlegt (BORING). En þetta þurfum við mörg að glíma við... Ég má ekki borða hvað sem er og því fyrr sem að ég sætti mig við það því fyrr verð ég ánægðari með mig. Ég verð bara að læra að hugsa um það sem að ég borða

Hvernig er með ykkur? Þurfið þið að hugsa svona mikið um hvað þið leggið ykkur til munns? Er það ykkur kannski eðlislægt?

* Er fyrir utan matinn búin að vera dugleg í hreyfingu, fer í sund upp á næstum hvern einasta dag og mér finnst það alveg frábært. Ekki síst fyrir þá staðreynd að þetta gefur mér ákveðinn "me time" Langt síðan ég hef fengið að njóta svoleiðis almennilega.

* Barnið mitt fór í ljósmyndatöku í síðustu viku og fengum við afraksturinn á dögunum og mikið ofboðslega er hún yndisleg, hver myndin á eftir annarri yndislegri! Ég hlakka til að sýna ykkur um jólin (ætla ekki að birta þær fyrr þar eð að einhverjar verða jólagjafir)

* hmmmm hvað meira? Gerist voða lítið á þessum bæ. Áróra stækkar og dafnar, verður duglegri með hverjum deginum, ég stækka vonandi ekki meira Húsbóndinn er búinn að minnka heilmikið.. hmmm... Eigum við að segja það gott?

já gerum það... blæblæ 

Ég bý í gettóinu... ok. Það kom svo sannarlega í ljós hér áðan.

Ég þurfti að hringja á lögregluna vegna þess að í næstu götu heyrðust óp og köll.

Einn baðst vægðar og öskraði á hjálp á meðan þeir sem að honum réðust svöruðu honum á þann veg að hann ætti að þegja og bara borga peninginn sem að hann skuldar. Ætli þetta sé tengt dópi?... I wonder

Allavega þegar ég hringdi í 112 þá sagði ég "ég ætla að tilkynna.." og sá sem að svaraði greip fram í fyrir mér og sagði "slagsmál í ***bakkanum? það er búið að tilkynna það." Ok takk... Gott að ég er ekki sú eina sem að hafði áhyggjur af því að vera vitni að morði eða eitthvað

Það eru oft læti hér í næstu götu en ég hef aldrei heyrt í svona látum. Ég var að kafna úr forvitni og langaði bara að hanga úti í glugga, en ég þorði því ekki, ég gæti orðið næst Líka þegar löggan kom þá langaði mig að standa og glápa, en maður kann sig alveg... Nei ég þorði því ekki heldur, kannski sæu bófarnir mig og myndu muna...

Allavega þá komu lögreglubílar og sjúkrabíll... en ég veit ekki hvort neinn var handtekinn eða hvort að sa lamdi fór með sjúkrabílnum því að eftir því sem ég best sá þá voru allir löngu farnir af vettvangi þegar að löggan loksins kom...

En já.. spennandi líf í bökkunum... Ég neita því ekki framar að ég búi í gettóinu

Nú er ég ofurspennt og þarf að koma mér í háttinn... best að fara að róa sig niður

c'ya